MO Dewji apongezwa kwa kuandaa tuzo za Simba

Wadau mbalimbali wa soka nchini wamempongeza Mwekezaji wa klabu ya Simba Mohammed Dewji kwa kuandaa hafla ya kutoa tuzo kwa wadu wa klabu hiyo waliochangia Simba kupata mafanikio msimu uliomalizika.

MO amekuwa wa kwanza kuuleta utaratibu huo kwa ngazi ya vilabu. Tumeshuhudia utamaduni huo ukifanyika nchi za wenzetu.

Tuzo hizo zitakuwa chachu ya mafanikio zaidi kwani zitaongeza ari na kujituma kwa wachezaji kwa kutambua mchango wao unathaminiwa.

Tuzo hizo zilizofanyika jana, Juni 11, 2018 Hyatt Regency - Kilimanjaro Hotel, zilitolewa kwa viongozi, wachezaji na mashabiki ambapo washindi walipatikana kwa kupigiwa kura na wadau.