Jioni ya leo Jumatatu, Juni 11 2018 Mwekezaji wa klabu ya Simba Mohammed Dewji ameandaa hafla ya kugawa tuzo kwa wadau wa klabu ya Simba ambao mchango wao umefanikisha kuibuka mabingwa wa ligi kuu ya Vodacom msimu huu.
Tuzo hizo zitatolewa kwa viongozi, wachezaji na mashabiki ambapo washindi wamepigiwa kura na wadau.
Miongoni mwa wanaotarajia kuhudhuria tuzo hizo ni Kocha Mkuu wa klabu hiyo Pierre Lechantre ambaye aliikacha timu Nakuru, Kenya wakati inashiriki michuano ya SportPesa Super Cup iliyomalizika jana.
Lechantre aliiacha Simba mikononi mwa kocha msaidizi Masudi Djuma ikiwa kwenye hatua ya nusu fainali sababu ikielezwa kuwa na mgogoro wa viongozi juu ya masuala ya mkataba.
Kocha huyo anatarajiwa kupokea tuzo kwa niaba ya benchi lake la ufundi na huenda akaondoka baada ya hafla hiyo.
Bado uongozi wa Simba haujatoa taarifa rasmi juu ya hatma ya Lechantre ambaye mkataba wake unamalizika Juni 18, 2018.
Lakini taarifa za ndani zinabainisha kuwa Simba tayari imeamua kuachana na Lechantre kutokana na mahitaji yake makubwa ya mshahara na 'bonus'.
Tuzo hizo zitatolewa kwa viongozi, wachezaji na mashabiki ambapo washindi wamepigiwa kura na wadau.
Miongoni mwa wanaotarajia kuhudhuria tuzo hizo ni Kocha Mkuu wa klabu hiyo Pierre Lechantre ambaye aliikacha timu Nakuru, Kenya wakati inashiriki michuano ya SportPesa Super Cup iliyomalizika jana.
Lechantre aliiacha Simba mikononi mwa kocha msaidizi Masudi Djuma ikiwa kwenye hatua ya nusu fainali sababu ikielezwa kuwa na mgogoro wa viongozi juu ya masuala ya mkataba.
Kocha huyo anatarajiwa kupokea tuzo kwa niaba ya benchi lake la ufundi na huenda akaondoka baada ya hafla hiyo.
Bado uongozi wa Simba haujatoa taarifa rasmi juu ya hatma ya Lechantre ambaye mkataba wake unamalizika Juni 18, 2018.
Lakini taarifa za ndani zinabainisha kuwa Simba tayari imeamua kuachana na Lechantre kutokana na mahitaji yake makubwa ya mshahara na 'bonus'.
ADVERTISE HERE
