Salamba kuongezwa kikosi cha Simba Kenya

Mshambuliaji mpya wa Simba Adam Salamba aliyesajiliwa kutoka klabu ya Lipuli FC leo anatarajiwa kusafiri kwenda nchini Kenya kuungana na kikosi cha Simba kilichotinga nusu fainali ya michuano ya SportPesa Super Cup.

Baada ya kufanikiwa kuiondoa kwa mikwaju ya penati, K Sharks jana, keshokutwa Simba itacheza na Kakamega HomeBoyz katika mchezo wa nusu fainali.

Katika mchezo huo wa jana, Simba ilionyesha madhaifu makubwa kwenye safu yake ya ushambuliaji hivyo kupelekea mahitaji ya kuongezwa nguvu kwa wachezaji wazoefu.

Simba inawategemea washambuliaji wake wapya Mohammed Rashid na Marcel Kaheza wakisaidiana na Mohammed Ibrahim 'Mo'.

Hata hivyo washambuliaji hao wanahitaji muda zaidi kuweza kwendana na kasi ya Simba.

Washambuliaji tegemeo ya Simba, nahodha John Bocco na Emanuel Okwi hawakusafiri na Simba nchini Kenya, Bocco akidaiwa kuwa na matatizo ya kifamilia wakati Okwi akiwa ameruhusiwa kurejea Uganda kwa mapumziko.

Wachezaji wengine wa Simba ambao hawakusafiri ni pamoja na Asante Kwasi, James Kotei na Nicolas Gyan wote wakiwa wamepewa ruhusa ya kurejea kwao Ghana kwa mapumziko.

Mbali na Salamba, huenda nahodha Bocco naye akaungana na Simba nchini Kenya