FT : Simba 1-0 Ndanda FC

Vinara wa ligi kuu ya Vodacom Simba wamezidi kuusogelea ubingwa baada ya kuichapa Ndanda FC bao 1-0 kwenye mchezo uliopigwa kwenye uwanja wa Taifa.

Bao pekee la Simba kwenye mchezo huo lilifungwa na Emanuel Okwi kwenye dakika ya 43 akipiga shuti nje kidogo ya 18.



Okwi ameongeza idadi yake yake ya mabao akiongoza mbio za kuwania ufungaji bora sasa akiwa na mabao 20.

Ushindi huo umeifanya Simba ifikishe alama 65 na sasa huenda ikahitaji alama moja tu kuweza kutwaa ubingwa msimu huu.

Yanga yenye alama 48 na michezo sita inaweza kufikisha alama 66 kama itashinda yote lakini Simba imefunga mabao mengi zaidi, imefunga mabao 21 zaidi ya Yanga.

Haitakuwa jambo jepesi kwa Yanga kushinda michezo yote sita iliyobaki, achilia mbali kufunga mabao 21 kwenye michezo hiyo.

Mchezo unaofuata wa Simba ni dhidi ya Singida United May 12 kabla ya kuivaa Kagera Sugar na kisha kumaliza msimu dhidi ya Majimaji.

Katika michezo mingine iliyopigwa leo Azam FC imelazwa mabao 2-1 na Stand United, Majimaji imelazimishwa suluhu ya bila ya kufungana na Mtibwa Sugar kadhalika Kagera Sigar na Mbeya City nazo zimetoka suluhu