Macho yote kwa Okwi, Bocco, Kichuya

Vinara wa ligi kuu ya Vodacom Simba kesho Jumapili wanashuka kwenye uwanja wa taifa kuwakabili wapinzani wao wa jadi Yanga.

Simba inashuka uwanja wa taifa kesho ikiwa mwenyeji wa mchezo huo ambao kama itapata ushindi basi itakuwa imeusogeza ubingwa mezani.

Ikiwa na mshambuliaji wake kinara wa mabao Emanuel Okwi, ambaye ameshafunga mabao 19 matumaini ya ushindi ni makubwa.

Nahodha John Bocco ambaye ana mabao 14 sambamba na kiungo mshambuliaji Shiza Kichuya nao wanapewa nafasi kubwa ya kufunga kwenye mchezo huo.

Kichuya ana rekodi ya kipekee dhidi ya Yanga kwani amefunga kwenye kila mchezo katika michezo mitatu iliyopita.

Simba ndio timu yenye safu hatari zaidi ya ushambuliaji hilo halina ubishi.

Simba iliweka kambi mkoani Morogoro kujiandaa na mchezo huo.

Jana msemaji wa klabu hiyo Haji Manara aliwataka mashabiki wa Simba kufurika kwa wingi kwenye uwanja wa Taifa kushuhudia timu yao ikipata ushindi wa kihistoria