Mlipili nyota wa mchezo leo

Beki wa kati Yusuph Mlipili ameibuka kuwa nyota wa mchezo wa kikosi cha Simba kilichoichapa Prisons mabao 2-0 leo.

Mlipili alikuwa muhimili imara wa safu ya ulinzi ya Simba ambayo leo haikuruhusu bao.

Ameibuka mshindi baada ya kupigiwa kura na mashabiki wengi wa Simba kupitia kurasa rasmi za mitandao ya kijamii za klabu hiyo.

Mlipili amejihakikishia namba kwenye kikosi cha Simba kinachonolewa na kocha Mkuu Pierre Lechantre.