Vinara wa Ligi Kuu Tanzania Bara, Simba, wanatarajia kuwakaribisha Mbeya City FC kutoka Mbeya katika mchezo wa ligi hiyo utakaopigwa kwenye Uwanja wa Taifa jijini, Dar es Salaam.
Simba itashuka katika mechi hiyo ikiwa na kumbukumbu ya kupata ushindi dhidi ya Mtibwa Sugar wakati Mbeya City yenyewe ikiwa nyumbani ililazimishwa sare ya bila kufungana na Azam FC.
Kocha Msaidizi wa Simba, Masoud Djuma, amesema kila mechi iliyo mbele yao ni sawa na fainali, hivyo wamejipanga kupambana kuhakikisha wanapata pointi tatu.
Djuma alisema mechi zote za ligi kuanzia mwanzo na zilizobakia ni ngumu na kila hatua inavyoendelea ndiyo ushindani unaongezeka zaidi.
"Tunafanya maandalizi kwa ajili ya kupata ushindi, kila mechi kwetu ni sawa na fainali, hakuna timu wala mechi nyepesi, na hatua ya sasa ni ngumu sana, ila kwa mapenzi ya Mungu, naamini tutafanya vizuri," alisema kocha huyo wa zamani wa Rayon Sports ya Rwanda.
Naye Kocha Mkuu wa Mbeya City, Nsanzurwino Ramadhani, alisema katika mahojiano na kituo kimoja cha redio kuwa vijana wake wako tayari kwa mchezo huo huku akiweka wazi kwamba anaiheshimu Simba.
"Simba ninaijua na nimeshaiona inavyocheza, tunajua sehemu ya kuwakaba ili kuwazuia wasipate matokeo, kama wanafuata nilichowaelekeza, natarajia hatutapoteza tena pointi," alisema kocha huyo.
Katika mechi ya mzunguko wa kwanza iliyopigwa kwenye Uwanja wa Sokoine, Simba ilipata ushindi wa bao 1-0 na ushindi kama huo pia ilipowavaa Tanzania Prisons uwanjani hapo.
Simba yenye pointi 52, ndiyo inaongoza katika msimamo wa ligi hiyo ambayo msimu ujao itashirikisha timu 20 na Mbeya City yenyewe iko katika nafasi ya nane ikiwa na pointi 26.
Simba itashuka katika mechi hiyo ikiwa na kumbukumbu ya kupata ushindi dhidi ya Mtibwa Sugar wakati Mbeya City yenyewe ikiwa nyumbani ililazimishwa sare ya bila kufungana na Azam FC.
Kocha Msaidizi wa Simba, Masoud Djuma, amesema kila mechi iliyo mbele yao ni sawa na fainali, hivyo wamejipanga kupambana kuhakikisha wanapata pointi tatu.
Djuma alisema mechi zote za ligi kuanzia mwanzo na zilizobakia ni ngumu na kila hatua inavyoendelea ndiyo ushindani unaongezeka zaidi.
"Tunafanya maandalizi kwa ajili ya kupata ushindi, kila mechi kwetu ni sawa na fainali, hakuna timu wala mechi nyepesi, na hatua ya sasa ni ngumu sana, ila kwa mapenzi ya Mungu, naamini tutafanya vizuri," alisema kocha huyo wa zamani wa Rayon Sports ya Rwanda.
Naye Kocha Mkuu wa Mbeya City, Nsanzurwino Ramadhani, alisema katika mahojiano na kituo kimoja cha redio kuwa vijana wake wako tayari kwa mchezo huo huku akiweka wazi kwamba anaiheshimu Simba.
"Simba ninaijua na nimeshaiona inavyocheza, tunajua sehemu ya kuwakaba ili kuwazuia wasipate matokeo, kama wanafuata nilichowaelekeza, natarajia hatutapoteza tena pointi," alisema kocha huyo.
Katika mechi ya mzunguko wa kwanza iliyopigwa kwenye Uwanja wa Sokoine, Simba ilipata ushindi wa bao 1-0 na ushindi kama huo pia ilipowavaa Tanzania Prisons uwanjani hapo.
Simba yenye pointi 52, ndiyo inaongoza katika msimamo wa ligi hiyo ambayo msimu ujao itashirikisha timu 20 na Mbeya City yenyewe iko katika nafasi ya nane ikiwa na pointi 26.
ADVERTISE HERE
